Re-elected Congressman Greg Gasataya ang naga-ayo sa iya kaupdanan sa Asenso Bacolod para mangin kabahin sang interim transition team sang incoming Benitez administration.
Nakig sugilanon na si re-elected Congressman Greg Gasataya sa kay DILG regional director Juan Ingeniero agud matagaan siya sang giya sa natalana nga transition sa tunga sang outgoing Leonardia administration kag incoming Benitez administration.
Suno sa iya padayon pa nila nga gina-finalize ang mga kinahanglanon para masiguro ang masulhay kag matawhay nga transition kag turn-over antes sang Hunyo 30.
Gina-ayo man ni Gasataya ang iya mga kaupdanan sa Asenso Bacolod nga mangin kabahin sang interim transition team.
Maga-coordinate man siya sa tiglawas sang transition team ni Leonardia.
Si Gasataya amo ang gintalana ni mayor elect Albee Benitez para pangunahan ang interim transition team.