Gina paabot ang pagsapol sang United Negros Alliance kag Love Negros bahin sa mangin kandidato para sa Philippine Councilors League.
Suno kay Mayor Salvador Escalante, Jr. ang Secretary General sang Unega, nagpahayag sa iya si Representative Alfredo Maranon, III, nga chairman sang Unega, nga nagpabutyag si La Carlota City number 5 Councilor Julius Martin Asistio nga siya ang interesado magpapili sa PCL.
Si Asistio ang anak ni Representative Juliet Marie Ferrer sang 4th District.
Si Silay City number 1 Councilor Ryan Gamboa sa karon ang presidente sang PCL.
Suno kay Escalante ila nga nasugilanon ang ila nga mga konsehal bahin diri kag positibo man ini nga gin baton, pero balantayan sa gihapon ini.
Nagapati man si Escalante nga antes pa man mag pa gwa sang pahayag pwede ini nga ma istoryahan ni Vice Governor Jeffrey Ferrer kag Governor Eugenio Jose Lacson sang Love Negros.
“I hope wala (pagbungguanay). The governor and the vice governor are very close. I’m sure na storyahan na ni nila prior sang ina nga mga announcement. But then again, amo to hambal ko kay Cong Thirdy, we have to meet. Unega ang Love Negros we’ll have to meet, para ma thresh out ni beforehand”, suno kay Escalante.