Humalin sang nagligad nga tuig natigayon ang limited face to face classes sang mga estudyante sa tertiary level sa pihak sang Covid-19 pandemic.
Pero limitado lamang ang in-person classes sa medical and health allied programs.
Suno kay Mark Molina, executive vice president sang STI-West Negros University kag president sang Negros Occidental Private Schools Sports Cultural Educational Association ukon NOPSSCEA, kasubong sang pila ka mga kolehiyo kag unibersidad sa probinsya, handa na sila sa pagbalik sang full face to face classes sa abril sa idalom sang ginapaabot nga alert level 1.
Tagsa ka mga eskwelahan sa tertiary level ang may kaugalingon naman nga mga pagsulundan nga na angut sa ginapatuman nga health protocol sang Inter Agency Task Force Against Covid-19.
Mga fully vaccinated lang nga estudyante ang pwede sa full to face classes sandig sa Resolution No. 164 sang IATF.
Ang kutob sa indi pa fully vaccinated ang pwede makapadayon sa flexible learning modality.