Shadow

Dugang nga face to face classes sa Bacolod maga sugod sa December

Dugang nga limited face to face classes sa kolehiyo sa Bacolod magasugod sa Disyembre. Pila pa ka mga unibersidad nagapanghanda man para sa posible pagbalik sang face to face classes sa Enero.

Handa na ang mga retrofitted classroom kag laboratory sang Colegio San Agustin Bacolod nga pagagamiton matapos mabaton ang ila certificate of authority gikan sa CHED, DILG kag local government unit para makasugod na sa limited face to face classes.

Sa Disyembre plano sang kolehiyo nga sugdan ang limited face to face classes sa Bachelor of Science in Nursing kag Bachelor of Science in Medical Technology.

Ang University of Negros Occidental Recoletos nagahulat man sang approval sang CHED, DILG kag LGU.

Kaina ginsugdan sang katapo sang Emergency Operations Center ang on campus vaccination para sa mga manunudlo, mga estudyante kag upod ang ila mga ginikanan.

Suno kay Carlos Legaspi, pamuno sang external affairs office sang unibersidad, nga nagasugod naman sila sa application para matigayon ang limited face to face classes sa pila pa ka courses sa Enero.

Leave a Reply

Your email address will not be published. Required fields are marked *

Secured By miniOrangeSecured By miniOrange