Ginpatigayon na kaina sang aga ang oath taking ni Anay 3rd District Representative Kiko Benitez bilang bag-o nga director general sang Technical Education and Skills Development Authority ukon TESDA.
Gintugyan na ni Suharto Teng Mangundadatu ang TESDA sa kongresista nga taga Negros.
Sa iya nga speech ginsiling ni Benitez nga sa bilog niya nga kabuhi wala gid siya mag pensar nga mangin pamuno siya sang TESDA. Isa siya ka anay propesor. Nagtudlo siya sang comparative literature sa University of Washington sa Seattle sang 2010 kag nagbalik siya sa Pilipinas kag nangin presidente sang Philippine Women’s University.
Ginpasalamatan niya si Presidente Ferdinand Marcos Jr. sa pagsalig sa iya.
Ang lola niya nga si anay senator Helena Benitez ang nag author sang Republic Act 5462 nga amo ang nagtukod sang National Manpower and Youth Council, ang gin halinan sang TESDA.
Dugang pa niya nga ang TESDA ang maga produce sang future proof nga labor force nga maka adapt sa pagbag-o sa labor market.