Aprobado na sang katapo sang House Committee on Legislative Franchise ang franchise proposal sang Negros Electric and Power Corporation ukon NEPC nga amo ang ginapaabot magatal-us sa Central Negros Electric Cooperative.
Ini paagi man sa natukod nga joint venture agreement upod sa Primelectric Holdings Incorporated.
Ang House Bill 9310 ang ginduso nanday 3rd District Representative Francisco Benitez, 4th District Congresswoman Juliet Ferrer, Abang Lingkod Representative Stephen Paduano kag Bacolod Congressman Greg Gasataya.
Ginalauman naman ni Bacolod City Mayor Albee Benitez nga kuntani mapadasig ang paghatag sang prangkisa sa tuyo nga mapaayo ang serbisyo sang electric distribution utility.
Sakop sang distribution utility ang siudad sang Bago, Silay,Talisay kag mga banwa sang Murcia kag Don Salvador Benedicto.