Wala gina punggan ang pagpirma para sa memorandom of understanding sa tunga sang Power Watch Negros kag Central Negros Electric Cooperative.
Ini ang paathag ni Fr Ernie Larida nga katapo sang board kag gina tudlo sang Power Watch Negros nga amo ang sa likod nga wala sa gihapon matigayon ang paglagda sang MOU.
Suno kay Fr. Larida, matuod nga ginhinyo niya ang pagpostpone ilabi na nga sa amo nga tiun bag-o lamang siya naka pungko sa board kag luyag niya nga tun-an ang kaundan sang MOU. Gindihon ang mou sa tinituyo nga ini ang mangin venue sa pagtalakay sang ano man nga mga concerns sang mga konsumedor sa Ceneco.
Suno kay Larida wala labot diri nag masakit siya kag gin quarantine pa. Damlag pa nagpakig-angut na siya kay Atty Dan Pondevilla ang project supervisor sang Ceneco kag acting general manager kag yara na ang pag schedule kay Pondevilla sang dayalogo antes pa man matigayon ang pag lagda sa MOU.