Wala anay nag-ubra ang mga riders sang Food Panda nga nagtipon sa kilid sang Bacolod City Government Center.
Suno sa ila halos wala na sila sang madala nga income sa ila pagpauli bangud man sang pagsaka sang presyo sang gasolina amo nga panawagan nila sa management ang dugang nga saka sa delivery fee.
May kinse pesos tubtob 21 pesos ang delivery fee nga ila nabaton depende man sa distansya sang kada food delivery transaction.
Kulang ini bisan pa may natalana nga kapin 3 pesos nga rollback sa diesel kag 40 sentimos nga buhin sa gasolina.
Para sa mga riders kulang ang masobra P350 pesos nila nga ma income sa kada adlaw nga pag byahe gamit ang ila kaugalingon nga motorsiklo.
Natalana pa nga maghatag sang opisyal nga pahayag ang tagdumalahan sang Food Panda.
Suno sa mga riders,ang tagdumalahan ang nagpasalig na sang nagligad sa ila nga pasakaan sa P45 ang minimum delivery fee agud bisan paano may maganar man sila sa inoras nga pagserbisyo.