Ginsiling ni City Administrator Atty. Mark Mayo, ginahimo ang flushing sa tatlo ka pinakadaku nga merkado sa Bacolod – ang Libertad, Burgos kag Central Market. Ginpatigayon na ang una nga round sang flushing operation sini nga tuig sang nagligad nga semana.
Dugang pa niya nga ginaplanuhan sang local government sang Bacolod, nga mangin regular ang pagtinlo, nga ginapatuman kada bulan sa tanan nga merkado. Ginatan-aw man sang siudad kun dapat ini himuon nga duha ka beses sa isa ka bulan, kaangay sang sistema nga gin-patuman sang nagligad nga tuig 2025.
Sa flushing operation kaupod ang Bureau of Fire Protection Bacolod kag ang PrimeWater, nga nagahatag sang suplay sang tubig agud mas mangin epektibo ang paglimpyo. Luyag sang Bacolod LGU nga mapabilin ang merkado nga malinong, limpyo, kag safe para sa mga manugbaligya kag pumuluyo nga nagakadto diri adlaw-adlaw.*