Para mapangitaan solusyon ang pagbinaha sa Bacolod, isa ka flood control summit ang patigayunon.
Ini ang gin anunsyo ni Bacolod Congressman Albee Benitez sa iya official Facebook page.
Magatipon ang mga taga Bacolod, national kag local government officials, contractors kag experts para maistoryahan ang posible nga mga solusyon sa problema.
Dugang pa niya sang bulan sang Hulyo, nangin saksi ang tanan sa baha nga gindala sang mabunok nga ulan.
Paatag niya, ang summit ang indi para mag tinudluanay kun sino ang may sala. Kundi, isa ini ka pagtililipon kag pag binuligay para masolusyonan ang problema sa baha.