Trending sa Facebook ang post ni Jake Aragon nga naga haylo nga magbakal sang taho ni Benny Mendezabal…
Sa litrato maka galanyat ang taho nga gina baligya ni Benny kay lain na ang hitsura sini sa kinaangdan sang tanan nga hitsura sang taho…
Kaina naabtan sang Digicast Negros si Benny sa may BS Aquino Drive nga may tabuon nga customer.
Suno kay Benny nakibot siya nga trending ang iya nga taho.
Masobra isa ka bulan pa lang siya nga nag sugod sa iya nga flavored taho.
Taga Silay si Benny kag naga alsada sang taho sa Barangay Alijis sa Bacolod.
Kag para may dugang nga pang paganyat sa mga customer napensaran niya nga butangan ini sang flavor.
Ang kinaangdan mo nga taho pwede ube flavor…. pwede man pandan flavor.
Suno kay Benny kinse ka tuig na siya nga naga libod sang taho. tiempo lang sadto anay ang ila kontra. Kun mag ulan, wala man sang libod.
Pero ang pandemic ang may dako man nga epekto sa iya kay wala man sang libod. Gani sang liwat na nga ginpasugtan maka libod sang taho, nag level up na siya.
Pero balantayan kuno ang iya nga inug upgrade kay pwede na siya maka kompetensya sa milk tea
Sa imo trentay singko pesos, nasulod na sa cup nga pang frap ang imo nga taho kag may flavor na. Naga awas awas pa ini para sulit ang imo nga bayad.
Amon ginpatilawan sa mga first timer nga maka tilaw sang flavored taho kag ini ang ila nangin reaksyon…
Wala man sila maglaum nga pwede gale mabutangan sang falvor ang taho!
Suno kay Benny, samtang naga lawig nagaka lipatan na ang sadto anay paborito sang tanan nga taho nga nangin parte na sang kultura sang mga pinoy.
Kadamo na sang mga ilimnon nga gina kahuyugan sa karon.
pero para sa iya may ibato sa gihapon ang taho… kinahanglan lang nga mag level up para pangitaon sa gihapon sang mga pinoy!