Arestado ang isa ka babayi nga gina alegar fixer sa isa ka entrapment operation sang kahapon sang PNP sa Dumaguete City, Negros Oriental.
Ang suspek amo si Rosemay Ann Boco 32 anyos.
Sa imbestigasyon sang PNP, nagpakilala nga fixer sang Land Transportation Office ang suspek kag gin promisa nga i proseso ang driver’s license sang biktima nga French National kabaylo sang 15,000 pesos.
Masobra na isa ka bulan ang nagligad kag wala sa gihapon may nahatag ang suspek sa foreigner gani iya na ini ginreklamo sa PNP kag gin subject sa entrapment si Boco.
Detained ang suspek sa karon sa Dumaguete PNP.