Sa January 2 nga datus sang Provincial Health Office nagdangat sa 58 ang injuries nga na-report bangud sang palupok kag may lima naman sa Bacolod.
Padayon ang monitoring sang Department of Health sa mga ospital sa bilog nga rehiyon bahin sa mga fireworks related injuries.
Sa Negros Occidental, humalin December 21 to January 2 nga datus ang siudad sang Kabankalan ang may pinaka mataas nga na record nga kaso – 12.
Sa sahi naman sang samad nga na agom, ang blast ukon burns nga wala sang amputation pinaka madamo – 18 cases, 16 naman ang nag agum sang eye injury, duha naman ang eye injury nga may upod sang blast ukon burns kag duha ka may amputation.
Yara sa 11 to 20 nga age group ang kadam-an sa mga nasamaran.
Kalabanan naman nga gin gamit sa mga nag agum sang pilas amo ang boga suno sa PHO.
Lima naman ang gin-report nasamaran sa Bacolod gikan sa sentinel hospital.
Samtang, sa Teresita Lopez Jalandoni Provincial Hospital, may pagsaka man sa medical cases nga nabaton sang ospital kaangay sang chest pain, myocardial infarction kag stroke.
May onse naman ang nagdangat sa amo nga ospital bangud sang aksidente sa dalanon kun sa diin isa ang napatay.