Mga apektado sang Bagyo Odette ang ginapaabot nga magbaton sang tig cinco mil pesos nga financial assistance gikan sa 90 milyones pesos nga pondo sang National Housing Authority.
Ini suno kay Negros Occidental Governor Eugenio Jose Lacson matapos nga maturn-over ang pondo sa probinsya sang nagligad nga semana. Ang 41 milyones pesos naman nga gin download para sa Negros Occidental gikan sa the Bureau of The Treasury ang iga release man bilang financial assistance ukon paagi sa construction material suno kay Lacson.
Ang instruction gikan sa national government suno sa gobernador, amo nga dapat ang bulig ang ma release gilayon.
Damlag pa may 50 milyones pesos nga pondo nga ginpain ang Negros Occidental kag ini ang iga bakal sang building materials kasubong sang GI sheet. Nagbaton man sang 2 milyones pesos nga bulig gikan sa San Miguel Corporation ang Negros Occidental.
May mga LGU man nga nagbulig sa mga apektado nga banwa sang siudad kag suno kay Lacson derecho na ini sa natungdan nga mga LGU.
Samtang, tigayon na nga na energize ang mga main highway sang mga lugar sa sur sang Negros Occidental suno kay Lacson.