Matapos ang makapila nga notice to vacate nga ginserbe sang Bacolod City Legal Office sa 47 ka mga vendors nga nagpatukod na sang ila mga structure sa gwa sang Barangay Hall pakadto sa isa ka eskwelahan sa Barangay Tangub, may masobra pa sa gihapon sa 20 ka mga baligyaan ang wala naghalin.
Ginsiling ni Levy Pangue, pamuno sang CLO Enforcement Team nga ila na ginpapanaog sa mga vendors ang final nga notisya kag nagmandu nga sa una nga semana sang Oktubre, ila nahawanan ang sidewalks sa amo nga lugar.
Una nga ginareklamo sang pumuluyo ang tuman ka gutok sang amo nga dalan bangud sa mga baligyaan sa higad sang dalan.
Dugang ni Pangue, dapat sini nga Setyembre ila na panghawanan ang sidewalks sa lugar, apang ginpaiway anay bangud sa kapistahan nga ginahiwat pa sang Barangay.
Yara na sa 80 porsyento nga nahuman ang bag-o nga merkado sang Barangay suno kay Pangue. Diri man plano nga ipahamtang ang mga natungdan nga vendors nga naghalin na sa kilid sang dalan.
[sibwp_form id=1]