Magluwas na lamang kun may panibag-o nga guidelines, ang tanan nga traditional nga mga jeepney nga wala naka consolidate ang maka biyahe tubtob na lamang sa Abril 30.
Paathag sang pamuno sang Land Transportation Franchising and Regulatory Board sa Western Visayas, ang pag consolidate kabahin sa mga requirements agudto nga maka tigayon kuha sang franchise ang naga biyahe nga salakyan kasubong man para sa renewal sang registration sini. Ang kaso sang Bacolod City suno kay LTFRB OIC, Atty Salvador Altura lain sa Negros Occidental bangud ang Bacolod nakapatuman na sang iya sini nga Local Public Transport Route Plan. Nagakasayurannga ang mga ruta sa Bacolod City, na award na sa mga transport cooperatives ukon corporation, gani wala na sang entry point. Magluwas na lang suno sa iya kun ang consolidation sa Bacolod espesyal nga tugutugan sang Board, wala naman sang consolidation nga matabo sa Bacolod City.
“If ever I make a reminder to those nga wala pa ka consolidate, that would most likely refer to operators operating outside Bacolod City”, suno kay Altura.
566 sa masobra 2,000 ka mga traditional jeepneys sa Bacolod ang naka consolidate suno kay Altura. Kag tungod nga na award naman ang tanan nga ruta, nagakasyuran nga indi na makabiyahe pag lapaw Abril 30, ang nabilin nga masobra 1,500 nga wala na ka consolidate nga salakyan. 1,099 ang number of authorized units sang Bacolod para sa modernized jeepney sandig LPTRP sang Bacolod suno kay Altura. 600 pa lang diri ang nag-abot, ang 500 nga wala pa maka abot suno kay Altura ang pun-an sang masobra naman 500 ka mga traditional nga jeepney nga na consolidate.
Yara sa Provincial Capitol kaina sang aga si Altura sa pag hatag sang briefing sa probinsya para sa compliance sini sa LPTRP. Sa anum ka mga probinsya sa Western Visayas ang Negros Occidental na lamang ang wala maka submit, bagay nga suno kay Governor Eugenio Jose Lacson, ila nga tinguhaan nga maka comply sa sulod sang tatlo ka bulan.
“It was mentioned that out of the 6 provinces, Negros Occidental has not submitted. On the other hand the mistakes that were done by the other provinces who have submitted can be corrected. We’re still in a good position, although I asked our planning office to somehow medyo rush this, because there are many of the public utility vehicles somehow we can say are old and needs to be replaced”, suno kay Lacson.
Sa Western Visayas suno kay Altura 66 percent pa lamang sang 139 ka LGU ang naka comply sa LPTRP. Wala man ini sang deadline suno sa iya pero ini ang importante bangud ini ang nagaserbe basehan sang franchise nga iga issue LTFRB. Ika duha sa jeepney modernization program indi tigayon maka loan ang mga operators sa mga banko kun wala sang approved LPTRP.