Sa session sang konseho sa Miyerkules ginapaabot ni Councilor Thaddy Sayson ang final approval sang council agud matigayon ang pag release sang P11M nga indemnification fund para sa mga hog farmers nga nahalitan sang african swine fever.
Nalakip sa pondo ang P1M nga ibakal sang equipment agud mapabaskog ang kampanya kontra ASF.
P10M naman ang kabilugan nga ayuda nga igahatag sang siudad sa mga nahalitan nga hog farmers.
May 4 na ka mga ASF cases sa siudad.
Gani padayon man nga gina validate sang katapo sang ASF task force ang listahan sang mga apektado nga hog farmers nga gikan sa kabarangayan.
Kutob lang sa mga baboy nga may suspected ASF case nga na-report sa barangay kag City Veterinary Office antes pa man napatay ang sarang matagaan sang ayuda sang siudad.