Sa Lunes na maga sugod ang filing sang Certificates of Candidacy para sa Barangay kag Sangguniang Kabataan Elections. Sa Bacolod City ang filing sang COC patigayunon sa Robinsons Place Bacolod sa Mandalagan.
Suno kay Atty Kathrina Trinio-Caña ang Elections Officer sang Bacolod City, bisan pa nga holiday sa Lunes may yara sang filing sang COC. Panugod naman ini sang election period.
Ginpakamaayo nga sa mall hiwaton bangud nga mas malapad ang area labi na nga kun Barangay kag SK Elections mas madamo ang naga file sang COC.
Las 8 sang aga maga sugod na sila baton sang COC tubtob las cinco sang hapon.
Tubtob sa September 2 ang filing sang COC. Klaro ni Trinio-Caña nga wala sang filing sang COC sa talatapan sang COMELEC-Bacolod.
Sa mga maga file sang COC, pwede man nga maghapit sa talatapan sang COMELEC antes ang August 28, kun luyag nila nga ma pa check ang ila nga mga requirements para maka siguro sang eksakto nga compliance.
Siguraduhon man sang maga file suno sa Comelec nga kumpleto ang pag fill out nila sang mga pormas.
“Mas maayo para nga paglambot didto, maski damo sila kay tungod nga na check na naton dasig na lang ang aton nga acceptance. (Ang Comelec period will start man 12:01 sang August 28) yes election period naton. (ma put up na sang checkpoints?) yes. Ma start na kita sang checkpoints and may ara na siya nga kick-off nga checkpoint nga ginapatigayon naton every start sang aton election period”, suno kay Trinio-Caña.