Duha man ka tuig nga na untat ang mga graduation ceremony epekto sang Covid-19 pandemic.
Pero karon nga napaidalom sa alert level 1 ang Bacolod may mga pribado nga eskwelahan na nga nagaplano para magpatigayon sang seremonya.
Suno kay Dr. Edwin Miraflor, OIC sang City Health Office, pwede na ang 100 percent venue capacity para sa pagpatuman sang mga gathering kag events.
Gani may mga barangay na ang nagahinyo man sang approval para sa paghiwat sang fiesta.
Pero dapat may koordinasyon gihapon sa barangay kag Emergency Operations Center ang mga pagtililipon, nalakip na diri ang mga fiesta kag mga events suno kay Miraflor.
Dapat man napahibalo ang barangay kag ang Commission on Elections para sa monitoring sang in-person campaign,ilabi na ang mga rally.
Ang EOC ang nagapaandam man sa publiko angut sa responsable nga pagsunod sa minimum health protocol.