Magapasaka sang kaso nga Improper Disposal of Human Remains ang PNP sa 20-anyos nga estudyante nga nagbilin sang fetus sa basurahan sa sulod sang restroom sa Victorias City Coliseum sang Biyernes.
Ginsiling ni Police Major Judesses Catalogo, spokesperson sang Negros Occidental Police Provincial Office, nadiskubrehan ang fetus sa banyo sang babaye sa coliseum samtang nagapadayon ang LegisHear Program.
Ang iloy, isa ka estudyante nga nagtambong sang LegisHear.
Suno sa iloy, wala siya makahibalo nga nagabusong siya apang sadto nga tion, nagsakit ang iya tyan. Nagkadto ini sa CR kag didto na siya nag-bleeding kag nagwa ang fetus.
Pahayag sang iloy nga bangud sa shock kag kahadlok wala siya kabalo kung ano ang iya himuon. Gani nagbalik ini sa programa kag nagpauli.
Mga las 10 sang gab-i, nagbalik sa coliseum ang iloy agud kuhaon ang fetus.
Sa karon, yara sa Victorias City Social Welfare and Development Office ang iloy sang fetus nga ginabulubanta pito na ka bulan.
[sibwp_form id=1]