Tuman ka temprano ang spekulasyon nga maga papili sa Bacolod si Presidential son William Vincent “Vinny” Marcos sa Bacolod.
Ini ang reaksyon ni Acting Governor Jeffrey Ferrer sa nag gwa nga report nga maga papili si Vinny sa Bacolod sa tion nga matigayon na ang re-districting sa Bacolod ukon matunga sa duha ka distrito ini.
Suno kay Ferrer nga suod nga abyan sang pamilya Marcos, bag-o man lamang natapos ang eleksyon. Wala man gani siya nakahibalo kun diin ang amo nga istorya nag naghalin kag basi gani mismo ang natungdan wala man ihibalo bahin diri.
Ang balantayan suno kay Ferrer kun may matabo nga transfer sang residency. Indi man siya maka palayag para sa pamilya Marcos suno kay Ferrer, pero may kinamatarong man si Vinny kun may plano gid man kag ini ang maga depende sa mangin desisyon sang presidential son.