Mga katapo sang Federation of Urban Poor ukon Fed-UP Negros ang nagdumdom sang 42nd death anniversary ni anay Senador Benigno Ninoy Aquino sini nga adlaw.
Sila ang nag tipon sa iya nga istatwa sa dalan Araneta sa Bacolod sang aga kun sa diin sila ang naghalad sang bulak bitbit man ang mga flaglets.
Suno kay Joy Jarabelo ang pamuno sang Fed-UP Negros sa tunga sang pagkadula sang trilyones ka pesos sa pungsod kay nagkadto sa mga bulsa sang mga korap nga persona lakip na diri ang mga gina kwestion karon nga flood control projects kag ang DepEd classroom construction, panawagan nila nga mangin kaangay ni Ninoy: Incorruptible.
Suno kay Jarabelo kuntani ang mga responsable ma igo man sang konsyensya nila labi na nga madamo sang nagkalamatay tuga sang leptospirosis dala sang pagbaha, kag bisan ang epekto sa edukasyon sang mga kabataan bangud sang kakulang sang mga classroom.
Nagalaum man sila nga si Presidente Ferdinand Marcos, Jr mag patuman sang tikang agudto nga ma bilanggo ang mga nagpangawat sang kwarta sang pumuluyo.