Gin-extend sang FDA ang expiry sang mga bakuna sa Negros Occidental nga damlag pa gin-report maga expire sa Abril 30.
Ini suno kay Dr Claudelia Josefa Pabillo ang in-charge sang vaccine distribution sang probinsya.
Suno kay Pabillo gin-extend sang FDA ang expiry sa June 2022.
May 221,049 ka mga bakuna ang damlag pa maga expire sa April 30.
Suno kay Pabillo kasunod sang extension sang FDA sa expiry naga kasayuran nga wala na sang may mga maga expire nga bakuna sini nga bulan.
Una na nga gin panagtag ang mga bakuna sa mga banwa kag siudad kag ini sa karon ang ila nga gina gamit sa ila nga pagbakuna.
Padayon naman sa karon ang pagduso sang bakuna kontra Covid 19 sa Negros Occidental.
Nalakip man ang probinsya sa na identify para sa Special Vaccination Days nga gintalana Abril 20 tubtob 22.