Fast food chain boluntaryo nga magpanirado sa Bacolod, penalidad sa violation angut sa kakulang sang Fire Safety Inspection Certificate kag business permit paga-usisaon pa sang siudad.
Nagbukas na ang McDonald’s sa Buri Road sa Barangay Mandalagan sa Bacolod.
Pero, natalupangdan nga wala sila nakakuha sang Fire Safety Inspection Certificate kag business permit gikan sa Bureau of Fire Protection kag Bacolod LGU.
Gani sang ginserbe sang Business Permits and Licensing Office ang Notice of Inspection, nagpasalig ang management nga boluntaryo nga maga panirado bwas, Biyernes, pending sang ila compliance sa mga requirements sang business permit.
Ginpahayag ni Secretary to the Mayor Atty. Jose Marty Go nga ila pa hibaluon kun may yara sang penalidad batuk sa fast food chain bisan pa boluntaryo ini nga magapanira.
Ang pag-usisa sa mga commercial establishment kabahin sang ginapabaskog nga mapping operation sang siudad sandig sa mando ni Mayor Albee Benitez agud mapasiguro nga lehitimo ang mga naga-operate nga mga negosyo sa siudad.