Farmers assistance center ang gin lunsar.
Tinutuyo sini nga mabuligan ang organic farmers humalin sa ila nga pagpananum padulong sa ila nga pag ani kag pagbaligya sang ila nga produkto.
Nakit an ni Ramon Uy ang chairperson sang Ecological Agricultural Development Foundation ang ka kinahanglananon sang suporta sang mga mangunguma rason nga sa ila inisyatibo ginlunsar nila ang RU Farmers Assistance Center.
Paagi sa paghatag sang binhi, abono, technical assistance ilakip na loan nga wala sang interest tuyo sang assistance center nga lubos mabuligan amg mga mangunguma tubtob sa pagbaligya sang ila nga produkto.
Suno kay Uy mangin kabahin sa ila nga kasugtanan sa mga rice organic farmers amo ang presyo sang baligyaanay sang ila nga produkto agudto nga may kasiguraduhan man ang mga mangunguma sa ila nga mangin kita.
Isa si Wennie Abarillo sa mga organic rice farmers nga nagtambong.
Labi niya nga gina abi abi ang inisyatibo. Naga hatag man sang suporta ang gobyerno sa mga mangunguma pero anonman nga sahi sang dugang nga bulig nga gina tanyag ang bukas sila.
Daku ang pag ulikid ni uy suno sa iya sa agriculture industry bangud ini man ang nagbulig sa iya nga liwat makabangon matapos ma agyan ang pagpanghangkat sa patag sang negosyo.
Nalakip sa ginatanyag man sa farmers assistance amo ang equipment nga gina gamit sa pagpanguma.
Daku man ang epekto sang pandemya sa mga mangunguma kag ini ang ginatinguhaan nga malampuwasan.
Madugay naman nga nagatanyag sang suporta si Uy sa mga organic farmers farmers kag isa na diri ang Kadiwa Center nga naga serbe nga showroom para sa mga produkto sang organic farmers kag mabuligan sila sa ila nga pangita.