Lima ka mga nagdaug nga kandidato sa idalom sang Grupo Progreso ang nagpanumpa na!
Kay Regional Trial Court Executive Judge Raymond Joseph Javier nag-take oath sanday re-elected Vice Mayor El Cid Familiaran kag apat pa mga elected-city councilors nga sanday Israel Salanga, Cindy Rojas, Renecito Novero kag Em Ang.
Ang lima ka mga katapo sang Grupo Progreso ang makabig minority ikumpara sa walo ka mga nagdalaug nga konsehal halin sa Asenso Bacolod makaligad ang May 9 elections.
Ginpahayag ni Familiaran, nga handa siya nga magsuporta sa Benitez administration ilabi na para sa ikaayo sang siudad.
Ang iya mga kaalyado sa Grupo Progreso nakahanda man sa igatugyan sa ila nga komitiba sa konseho.