Shadow

Fact finding team gintukod para usisaon ang missing nga mga abono sa Himamaylan City

Indi pa mapat ud kun bala nadula ukon ginkawat ang supply sang abono nga ginbutang sang siudad sa pribado nga compound sa atubang sang city hall sang siudad sang Himamaylan.

Gani nagtukod na sang fact finding team si Mayor Raymund Tongson agud mapat ud kun diin nagkadto ang mga abono.

Nag gwa nga nahul an ang mga farmer beneficiaries sang natalupangdan nga wala na ang mga libre nga abono gikan sa Department of Agriculture sang hana sila nga mag claim sa siudad sang nagligad nga semana.

Ginsiling sang alkalde nga may duha sila ka compound nga ginbilinan sang abono para sa natukod nga programa sang siudad nga nagatuyo makabulig sa mga mangunguma ilabi na karon nga pandemic.

Iya man ginpasalig nga samtang nagapadayon ang imbestigasyon gilayon nga mailisan ang ginakinahanglan nga abono sang mga mangunguma sang siudad.

Samtang,ginpahayag naman sang negosyante nga si Ian Mosser nga libre nga iya ginpagamit ang iya propiedad para mabilinan sang supply sang abono sang siudad.

Marso sang iya ginpaarkilahan ang compound sa pribado nga komboyahan kag sang amo nga bulan wala na didto suno sa iya ang mga abono.

“Ginbuka ni siya into various nga warehouses eh, so, ang isa ka warehouse didto ah daw indi mag balanse noh. So, didto namon gina verify that’s why i don’t want to use anay nga nadula or kinawat or something. ang definition namon anay is unaccounted kay tungod gina check pa namon ang tanan tanan nga documentation just to be sure,” suno kay Tongson.

Leave a Reply

Your email address will not be published. Required fields are marked *

Secured By miniOrangeSecured By miniOrange