Social media page sang Bacolod LGU ang na-hack. Pangaduha na ini nga account sang siudad nga karon ginatinguhaan nga ma-recover sa mga hacker.
Temporaryo anay nga ginapaagi sa social media page ni Mayor Albee Benitez ang mga anmouncement angut sa mga hilikuton sang siudad humalin sang indi na ma-access ang BCD PIO nga official facebook page sang siudad sang Martes.
Gina-usisa na sang siudad kun sin-o ang responsable sa pag-hack sang page samtang ginatinguhaan ang pag-recover sang amo nga FB account.
Ginsiling ni Councilor Jason Villarosa, pamuno sang Committee on Information and Communication sang konseho, sarang mag-hire sang IT expert ang siudad agud mapangapinan ang social media pages sang LGU.
Ini pinaagi sa naaprobahan na nga ordinansa angut sa consolidation sang official social media pages sang tagsa ka departamento sang siudad.
Ang Public Information Office amo gintalana nga social media page manager. Nagligad lang nga tuig sang gin-hack ang social media page sang Masskara Festival sang siudad.