Ang Bilis Cadiz Ugyon Cadiznon nga page nga amo ang official page sang LGU sang Cadiz City ang na hack.
Humalin sang kahapon, mga labay-labay nga mga bagay nga wala man sang kaangtanan sa panghimanwa sang siudad sang Cadiz ang na post sa amo nga page.
Halin sa amazing way to fish, amazing fish hunting, amazing bird, amazing fish, amazing idol ini ang pila lang sa mga video nga na post sa ila nga page.
Sa impormasyon nga ginpalab-ot sang LGU sang Cadiz sa Digicast Negros, padayon nga nagahimo sang mga tikang ang LGU para mabawi ang amo nga page nga may 77,000 ka mga followers.
Sang nagligad nga semana na hack man ang page sang MassKara Festival sang Bacolod.
Mga clips sang binastos nga pelikula naman ang na post sa amo nga page kag tubtob karon wala pa ini mabawi gikan sa hackers.