14 ka mga eskwelahan sa siudad sang Bago ang nag cancel sang face-to-face classes subong nga adlaw bangud sang asupre nga napanimahuan gikan sa Bulkan Kanlaon.
Suno kay Bago Schools Division Superintendent, Neri Anne Alibuyog tigaylo nangin modular na lamang ang mode of learning sang mga estudyante.
Ang mga eskwelahan nga apektado sang baho sang asupre ang napahamtang sa Louisiana, Ilijan kag Ma-ao.
Mga isa man ka semana nga napanimahuan na ang asupre pero kahapon ang pinaka kusog nga baho sa ila nga monitoring rason nga nag cancel sang face to face classes subong nga adlaw suno kay Alibuyog.
Mahimo maga resume ang face-to-face classess= sa Huwebes suno sa iya.
Sa report sang Provincial Disaster Risk Reduction Management Office mga lugar nga nag report sang sulfur odor amo ang pila ka barangays sa La Castellana, Moises Padilla, Bago, Pontevedra kag La Carlota.
Pero ginsiling nanday La Carlota Mayor Rex Jalando-on kag Moises Padilla Mayor Ella Garcia Yulo kag Pontevedra Mayor Jose Maria Alonso nga subong nga adlaw wala na sila sang may na monitor nga baho sang asupre.
Suno kay PDRRMO head, Irene Bel Plotena nag request na sila sa DENR sang test agudto ma monitor ang kadamuon sang presence sang sulfur dioxide sa hangin.
Gina abisuhan naman ang yadtong sa mga apektado nga lugar nga mag gamit sang face mask, labi na ang mga mga gina batyag kaangay sang asthma.
May mga naga hinyo naman sang face mask kaangay sang La Castellana, labi na nga pila naman ka adlaw nga sila ang apektado sang baho sang asupre.
“Gina coordinate ta pa subong with PHO ang ila nga mga kinahanglan nga face mask. Nag ano ko kagapon with the CDRRMOs nga as much as possible i-remind ta ang aton nga pumuluyo particularly ang mga bata mag wear sang ila nga face mask and mag continuously mag monitor sang activities sang Kanlaon”, suno kay Plotena.