Nagapabilin ang executive order ni Negros Occidental Governor Eugenio Jose Lacson bahin sa pagbaton sang mga fully vaccinated individuals sa probinsya nga magapakita lamang sang ila nga Covid-19 domestic vaccination card ukon ang certificate of quarantine compeletion nga nagapakita sang vaccination status sang natungdan.
Suno kay Provincial Administrator Rayfrando Diaz, ang amo nga executive order sang gobernador ang nag-adopt sang salient points sang Inter-Agency Task Force for Emerging Infectious Diseases Resolution 124-B.
Sang kahapon gin siling ni Department of Health Secretary Francisco Duque III nga ang mga fully vaccinated domestic travelers mahimo nga ma-require sang mga LGU nga padulungan nga magpakita sa gihapon sng ila nga negative RT-PCR test result, pending sang review sang bag-o nga polisa.
Ginsiling ni Diaz nga magluwas na lamang kun may directive gikan sa dilg sa pagpauntat sang pagpatuman sang amo nga executive order ukon may bag-o nga NIATF nga resolution, magapabilin ang amo nga EO.
Kahapon suno kay Diaz may mga 50 na ka mga travel passes ang ila nga na-approve kun sa diin ang ginpakita sang mga nag-apply ang ila nga Covid -19 vaccination cards tigaylo sang negative RT-PCR test result.
Sa Lunes ipatuman naman sang probinsya ang QR codes bilang kabahin sang security measure sa gin-issue sini nga mga Covid-19 vaccination cards.
Doble naman ang ila nga pagpasiguro nga authentic ukon indi peke ang mga ginapakita nga Covid-19 vaccination card sang mga nagasulod sa probinsya.