Arestado ang 52 anyos nga anay soldado nga si Rolly Dofeliz kag iya kaupod nga si Edmar Sta. Ana matapos makuhaan sang sachets sang iligal nga droga sa buybust operation sa Barangay 6 sa siudad sang Kabankalan.
Ang anay army ang ginakabig nga street level individual samtang newly identified naman ang iya upod.
Ginabulubanta nagabalor sang P408,000 ang ginaptihan shabu nga nakuha sa ila.
Si Dofeliz ang nakuhaan man sang isa ka .357 caliber revolver kag anum ka bala sang .38 caliber.
Detained na karon ang mga suspek kag kaso nga paglapas sang RA9165 ang atubngon nga kaso kag paglapas pa gid sa RA 10591 sa anay soldado.