Nakabalik sa ila nga puluy-an ang 31 ka pamilya nga nag evacuate kahapon sa banwa sa banwa sang La Castellana bangud sang encounter.
Tigayon naman nga nakilal-an ang isa sa gina alegar NPA nga napatay.
Suno kay Col Leo Pamittan ang Provincial PNP Director, kahapon man lamang nag biya sa ila nga mga puluy-an ang pila ka apektado nga pumuluyo tuga sang engkwentro sa tunga sang tropa sang 62nd infantry battalion kag mga remnants sang NPA.
Isa sa duha nga gina patihan NPA nga napatay ang ginkilala paagi sa driver’s license nga nakuha sa iya.
Bernard Torres, 56 anyos kag taga Brgy 12 Bacolod ang nakasaad sa ID nga na recover.
Nalakip man sa na recover ang homemade shotgun, AR15 rifle, 45 caliber pistol magazine, mga bala kag mga subversive documents.
Samtang, suno kay Pamittan, officially wala na naga exist ang NPA sa Negros kundi remnants na lamang ukon mga bilin-bilin.
Pero sa gihapon padayon ang pagbantay bangud sang posible kalakasan nga ihaboy sini.
Ginatunguhaan sang mga nabilin nga hayluhon ang masa para sa suporta suno sa PNP.