Igo sang bala sa ulo ang naangkon sang 17-anyos nga estudyante matapos gintiro sa national highway nga sakop sang Barangay Refugio sa Calatrava, Hwebes sang gab-i.
Ginsiling ni Police Capt. Jesus Alba, hepe sang Calatrava PNP, base sa nakuha nga mga ebidensya kag sa impormasyon sa cellphone sang biktima, ila napat-od nga utang ang motibo sa pagtiro sa menor de edad.
Nagapanukot ang ginakabig nga person of interest sa biktima, apang bangud wala makabayad ang menor de edad, nangakig ang suspek kag ginpilit sini ang minor nga mag-meet up sa isa ka bakery sa siudad sang San Carlos.
Pareho nga residente sang San Carlos ang biktima kag ang suspek.
Base sa kopya sang CCTV nga nakuha sang pulis, nagkadto ang duha sa boundary sang San Carlos kag Calatrava sa Brgy. Refugio. Mga 15 ka minutos nga nag-istorya ang duha kag didto na gintiro sang suspek ang biktima.
Padayon pa ang hot-pursuit sang kapulisan sa nakapalagyo nga suspek.
Ang suspek, isa ka drug personality samtang ang amay sang biktima ang nadakpan sang San Carlos PNP sa buy-bust tinalikdan nga mga binulan.*
[sibwp_form id=1]