Liwat nga ginaduso ni Bacolod Councilor Atty. Caesar Distrito ang estrikto nga pagpatuman sang ordinansa nga naga dumili sang pagpanigarilyo sa pampubliko nga mga lugar.
Gin author ni Distrito ang resolusyon nga gin aprubahan sang konseho nga nagapangabay kay Mayor Greg Gasataya nga i-convene ang Bacolod Anti-Smoking Task Force.
Nagserbe nga co-author sang resolusyon sanday Councilors Dindo Ramos, Celia Flor kag Israel Salanga.
Nangin madata karon ang bayolasyon ukon pagpanigarilyo sang tawo sa mga pampubliko nga lugar, lakip man ang bayolasyon sang pila ka mga establisimiento nga dapat may yara sang Designated Smoking Areas.
Suno pa kay Distrito, tuyo sang resolution nga masolusyunan ang paglapta sang illegal kag non-compliant nga produkto sang sigarilyo nga wala nagabayad sang husto nga buwis sa gobyerno.
Suno pa sa Konsehal, luyag sini nga ma proteksyunan ang pumuluyo ilabi na ang mga pamatan-on sa peligro sang pagpanigarilyo kag masiguro nga nagapabilin nga safe ang public spaces kag smoke-free.
[sibwp_form id=1]