Mas istrikto nga border control sa Negros Oriental sumugod subong nga Hunyo kinse tubtob 30 ang ginapatuman kasunod sang paglagda sang isa ka excutive order ni Negros Occidental Governor Eugenio Jose Lacson.
Nagakasayuran nga indi pagtugutan ang non-essential travel gikan sa Negros Oriental. Pero kagab-i, ginpaidalom sa modified enhanced community quarantine ang Negros Oriental sumugod Hunyo 16 tubtob 30.
Sa EO, magapabilin ang damlag pa ginkasugtan ukon regulated entry sang pumuluyo sa Mabinay sa Kabankalan, Basay sa Hinoba-an, kag Canlaon kag Vallehermoso sa San Carlos City.
Nasaad man sa eo nga ang mass gatherings dapat sa 30 percent lamang sa kapasidad sang venue sang economic kag commercial establishment.
Ginahaylo nga mismo sa tagsa ka panimalay ipatuman ang pagsunod sa minimum health protocol kag ang mga naga edad 17 anyos kag paidalom ang ginahaylo man nga magtenir sa balay.
Humalin hunyo 23 tubtob 25, ginmando ang pagsira sang mga beach, mga resort kag water parks para malikawan ang pagdagsa sang pumuluyo angut sa Kapistahan ni San Juan.
Maka alarma ang pagsaka sang Covid-19 cases sa probinsya. Sa eo nakasaad nga gikan sa masobra sa 15mil nga Covid-19 cases sang Marso 31 nagdangat ini sa masobra 16,700 as of June 13.