Nagpatigayon sang search, seize, and examine computer data “evidence” operation ang mga personnel sang PNP Anti-Cybercrime Group sa Negros Oriental sa balay sang isa ka Estonian national nga vlogger sa Brgy. Cantile, Dumaguete City Sabado.
Ini matapos ginreklamo sang isa ka babaye sang pagsupak sa Republic Act 9995 ukon ang Anti-Photo and Video Voyeurism Act.
Ginpang kumpiskar ang iya nga laptop, cellphones, Go Pro cameras kag iban pa gid nga mga gadgets nga ginagamit sa pag shoot kag edit sang iya content.
May mga indibidwal kag grupo nga nagareklamo batuk sa vlogger kay gina alegar nga pang abuso na sa mga menor de edad ang iya ginahimo.
Ginapangkuhaan niya man sang video ang iban nga mga babaye nga wala sang pahanugot ukon wala siya maka lisensya sa ginikanan sang kabataan.
Ginapang komentaran pa sini nga daw mga amo ang hitsura sang mga lalaki nga iya malabayan.
Ginpanginwala ini sang Estonian national.
Suno kay Dumaguete City councilor Renz Macion, gindeklarar na siya sang city council sang Dumaguete bilang “persona non grata”.*