Siudad na lamang sang Escalante ang nagapabilin sa red zone bahin sa ASF Zoning.
Suno kay Dr Placeda Lemana ang Provincial Veterinarian, gina tinguhaan nila maka comply ang Escalante sang requirements agudto ma tigayon upgrade sa pink zone ang Escalante City sa African Swine Fever Zoning.
May recurrence man sang ASF sa Bantangas dala man sang natabo nga pagbaha, suno kay Lemana, wala sang kasubong nga kaso ukon outbreak sa probinsya. Ang kada hog raiser kag backyard farm hugot nga naga patuman sang biosecurity.
Kun may yara man sang pagtuhaw sang kaso gina tawag ini nga incursion suno kay Lemana. Pero ini indi naman maglapta bangud mismo sa natungdan man lamang nga farm ini maka apekto.
Padayon ang hugot nga pag bantay kontra ASF suno kay Lemana indi lamang sa bahin sang ila talatapan kundi mismo sa tagsa ka hog raiser. Samtang, nagahulat naman ang Office of the Provincial Veterinarian sang abiso bahin sa bakuna kontra ASF.