Ang low pressure area sa far north eastern portion sang Pilipinas ang gina paabot nga mag develop sa isa ka bagyo sa Lunes tubtob Miyerkules. Pero makita sa track sang bagyo nga indi ini mag landfall sa Pilipinas pero posible nga pabaskugon sini ang hangin Habagat sa Northern kag Central Luzon.
Ang isa naman ka weather disturbance nga malayo pa sa Pilipinas kag yara sa eastern section sang Mindanao ang sa subong wala pa sang epekto sa Pilipinas samtang naga pasulod sa Philippine Sea.
Pero sumugod Huwebes tubtob mag weekend next week magasulod na ini sa PAR kag mapalapit na sa eastern section naman sang Luzon samtang naga giho pa west northwest. Gamay man ang tsansa nga mag landfall ini sa Pilipinas pero sa gihapon gina paabot man nga i enhance naman sini ang Habagat nga amo ang magadala sang pag ulan sa western section sang Pilipinas. Pwede pa magbag-o ang lakat sang sini nga mga weather disturbances suno sa PAGASA gani nagakadapat nga i monitor.