Shadow

EOC: Pagdamo sang Covid cases sa Bacolod tuga sang Omicron variant

YouTube player

Ginkumpirmar sang Bacolod Emergency Operations Center nga ang pagsaka sang Covid-19 cases humalin sang nagligad nga bulan ang tuga sang omicron variant kag resulta man sang mga pagtililipon sang tinalikdan nga paskwa.

Sa record sang EOC, 21 sa 63 ka mga swab sample nga nakuha sa mga Covid-19 positive sang Enero 7 tubtob 12 ang nagpositibo sa omicron variant sandig sa resulta sang genome sequencing gikan sa Philippine Genome Center.

Suno kay Dr. Chris Sorongon, deputy for medical data and analysis sang EOC, naka recover na ang 21 ka mga nagpositibo sa omicron varant kag kadam-an sa ila ang vaccinated kag mga asymptomatic ukon wala sang may gin batyag nga simtomas sang Covid-19.

Anum ang gikan sa Barangay Villamonte, apat sa Mansilingan, tatlo gikan sa Barangay Singcang-Airport kag duha sa Pahanocoy.

May tig-isa ka kaso sang Omicron variant sa Barangay Granada, Handumanan, Mandalagan, Taculing, Vista Alegre kag Barangay 12.

May masobra sa tres mil ang Covid-19 cases sa Bacolod sang Enero 2022.

Pero indi malipod nga under reported ang iban pa nga kaso bangud may pila man ka mga individual ang naga-self test kag naga-home isolate.

Base sa recommendation sang Department of Health, wala na ginapatuman ang repeat RT-PCR test sa mga nalatnan sang virus. Optional man ang testing para sa ila mga close contact nga asymptomatic kag fully vaccinated.

Secured By miniOrangeSecured By miniOrange