Bacolod Emergency Operations Center ang nagsugod na sang information-education campaign para mahaylo ang mga pumuluyo nga magpabakuna kontra COVID-19.
Nagpagwa na sang mga info graphics sa social media ang EOC nga nagatuyo magpahangup sa publiko tuhoy sa COVID-19 vaccine kag kun ano ang mga bentaha sa pagpabakuna.
Nagaplano man ang EOC nga maghinyo sang bulig sang media para mapalab-ot sa publiko ang ila mensahe.
Magapatigayon man sila sang speaker’s bureau para ma edukar ang mga tiglawas gikan sa mga barangay agud mapalab-ot mismo sa mga kapurokan ang ila kampanya.
Tuyo sang information-education campaign nga mapahangup ang publiko tuhoy sa vaccine pati na ang kada brand sini agud nga sila mismo maka desisyon kun magpabakuna sila ukon indi.
Plano ni Bacolod Mayor Evelio Leonardia nga mabakunahan ang tanan nga pumuluyo sang siudad pero voluntary man lang ang pagpabakuna.