Emergency Operations Center nagalaum nga magsaka ang kadamuon sang magapabakuna bisan pa may 160 ka mga medical personnel ang mabuhin sa katapusan sang bulan.
Napulo ka mga doctor nga naga serbe sa Bacolod Emergency Operations Center ang magatapos na ang kontrata sa karon nga bulan sang Mayo.
Dugang diri ang masobra sisenta pa ka mga medical personnel, mga nurses kag job order casuals sa mga vaccination center kag temporary treatment and monitoring facility.
Nagalaum si Dr. Edwin Miraflor, OIC sang City Health Office, nga magabalik ang kadamuon sang mga magapabakuna sa mga vaccination center karon nga natapos na ang kampanya kag adlaw sang pinili-ay bisan mabuhinan sila sang mga personnel.
Handa man si Miraflor nga mag-orient sang mangin panibag-o nga medical team nga italana sang panibag-o nga administrasyon nga sarang magserbe sa EOC agud mapabilin ang hugot nga kampanya kontra Covid-19 sa siudad, ilabi na ang bahin sa vaccination program.
Humalin sang nagsugod ang election campaign halos wala man nagbiya sa 15 percent sang target population ang naka-pa booster dose.