Karon nga nagahilapit na ang Valentine’s Day gina pasiguro sang EOC nga naga sunod sa minimum health protocols kag naga gamit sang Bac Trac system bisan ang mga pension house kag mga motel.
Ginpahayag ni Dr. Chris Sorongon, Deputy for Medical sang Bacolod Emergency Operations Center, sa ordinansa sang siudad, mandatory para sa mga establisimiento komersyal ang pagpatuman sang BacTrac pero voluntary naman ini para sa mga pumuluyo.
Suno kay Sorongon, kun wala sang BacTrac ID ukon QR code ang customer sang pension house ukon sang motel dapat sa gihapon ini nga magsulat sang ila ngalan sa logbook nga magaserbe nga basehan sang Bacolod EOC sa contact tracing sa tion nga may magpositibo sa virus.