Entry sa 6km extended danger zone sang bulkan Kanlaon ang temporaryo nga iga suspend sumugod bwas nga adlaw, Martes.
Suno sa Regional Task Force Kanlaon gina paiway anay nila ang pag pasulod sang pumuluyo sa 6 km extended danger zone para sa ila nga farming kag livelihood activities kasunod sang pagsaka sang volcanic earthquakes nga na-record kag pagnubo naman ang sulfur dioxide.
Sa Kanlaon Bulletin nga gin pa gwa sang DOST-PHIVOLCS halin sang 5am sang Domingo tubtob 5am sini nga Lunes, 67 ka volcanic earthquakes ang na record, ang sulfur dioxide flux naman 755 tonnes per day kag ang plume 950 meters ang kataason, voluminous kag may padayon nga degassing.
Paathag ni Office of the Civil Defense Negros Island Region Director, Donato Sermeno, III, maka alarma ang amo nga mga indicators base man sa mga natabo na sang nagliligad, rason nga ila anay gin-suspend ang pagsulod diri until further notice.
Padayon nga hugot nga gina bantayan ang mga entry points sa 6km extended danger zone.
“Ang experience naton sa last two minor eruptions, amo na nga indicators, nubo iya sulfur dioxide emission, damo iya volcanic earthquakes. Amo na subong indi lang similar, sa dumdom ko amo ni ang pinaka damo nga quakes. So medyo alarming ang indicators, that’s why better mag suspend na lang kita”, suno kay Sermeno.