Naghinay na si Bagyo nga Enteng savpag landfall sang kagab-i, pero subong liwat na naman nga naga kusog samtang naga pagwa sa Philippine area of responsibility.
Suno sa weather bureau nga PAGASA ginapaabot nga bwas posible makagwa na sa PAR si Enteng. Sa eastern portion sang Luzon may gina monitor man ang PAGASAnga pagtipon-tipon sang mga panganod.
Gina lantaw nga may posibilidad ini nga mangin isa ka low pressure area ukon isa pa gid ka bagyo sa sulod ang duha tubtob tatlo ka adlaw gani gina monitor ini sa karon sang PAGASA.
Nag diutay na lang sa karon ang areas nga napaidalom sa tropical cyclone wind signal.
Subong nga adlaw nangin mainit na sa pila ka areas sa Negros. Suno sa PAGASA posible mabatyagan ang mabaskugon nga dapya sang hangin diri sa Negros Island Region subong nga adlaw indi bangud sang bagyo kundi dala naman ini sang southwest monsoon.
Gina paandaman sa gihapon ang mga naga puyo sa nabukid nga parte sang probinsya sa posible nga landslide kag ang mga naga puyo malapit sa mga suba nga mangin alerto sa posible nga mag baha.