BY MARTIAN MUYCO
Padulong kun tani sa iya trabaho sa Silay City si Engineer Glenn John Nemenzo kaina sang aga (October 10) sang makabunggo ini sa isa ka wing van sa bahin sang Bacolod-Silay Access Road sakop sang siyudad sang Talisay.
Suno kay Police Staff Sargeant Docelio Pachoro, traffic investigator, ang driver sang van ang nag siling nga gikan Silay, padulong na ini kun tani sa Bacolod sang hinali na lang mag kadto sa iya linya ang hilux nga ginamaneho ni Nemenzo gikan sa pihak nga lane.
Nag tinguha pa maglikaw kun tani ang van suno sa pulis, ugaling naigu sa gihapon sang hilux ang kilid sang van.
Mahimo tuman ka dasig ang dalagan sang hilux suno kay Pachoro amo kun ngaa nagbaliskad ini sa pag bunggo sa kilid sang van.
Patay si Nemenzo bangud sang impact sang pagbaliskad sang iya salakyan.
Temporaryo gin detain sa Talisay Police Station ang driver sang van.