Upod nga gin dakop ang security guard sang slaughterhouse sa Victorias City nga isa ka regular nga empleyado sang siudad kag ang top 7 sa drugs watchlist sang Victorias PNP sa buybust operation sang Martes.
Ang empleyado sang siudad nga si Teodulfo Armada amo ang subject sa buybust kag upod niya nga gindakop sa area ang top 7 sa drugswatchlist nga si Joefrey Herrera.
Suno kay Police Major Eduardo Corpuz, hepe sang Victorias PNP, malawig na nila nga gina monitor si Armada nga sadto na nag positibo sa drug test.
May yara naman sang administrative case nga ginpasaka sa iya suno kay Corpuz.
Walo ka sachet sang suspected shabu ang nakuha sa ila.
Sila ang ginkasuhan na sang kaso nga pagsupak sa RA 9165.