Ginabulong sa karon sa ospital ang 25 anyos nga si Raymond Anian matapos maka bunggo kaina sang aga ang iya motor sa nagadalagan nga truck sa atubang sang Espinos village sa Circumferential Road.
Ang biktima ang isa ka empleyado sang siyudad base sa iya sini nga ID. Suno sa PNP, ginaguyod sang tricycle ang motor ni Anian kag sang nautod ang kalat nga naga guyod, nag balang-balang suno sa pulis ang motor kag nag bunggo sa nagadalagan nga truck sa pihak nga lane.
Posible nga nalapakan sang truck ang tiil sang biktima suno sa pulis base sa naangkun sini nga samad. Padayon karon pa ang imbestigasyon sang PNP sa natabo.