Shadow

Empleyado sang Kapitolyo napatay sa COVID-19

Isa ka empleyado sang kapitolyo probinsyal ang nagtaliwan bangud sang kumplikasyon tuga sng Covid-19.

Suno kay provincial Administrator Rayfrando Diaz, kahapon nagtaliwan ang empleyado sa idalom sang Provincial Treasurer’s Office samtang ini ang na admit sa Corazon Locsin Montelibano Memorial Regional Hospital.

Madugay man nga na admit sa ospital sa Cadiz ang natungdan nga empleyada nga damlag pa na assign bilang cashier sa district hospital sa Himamaylan.

Natalana kun tani nga ipaidalom ini sa dialysis. Naga buylog ang probinsya sa kasubo sang pamilya sang nagtaliwan nga empleyado.

Samtang, padayon ang recovery sang mga medtech kag nurse sang probinsya nga nag positibo sa Covid-19.

Suno kay Atty Diaz, madiutay lamang ang severe cases sa mga apektado nga empleyado.

Balik naman trabaho karon si Dr Ernell Tumimbang nga damlag pa nag positibo man sa Covid-19.

Leave a Reply

Your email address will not be published. Required fields are marked *

Secured By miniOrangeSecured By miniOrange