Las diyes sang aga hubas na ang unod sang estante ni Allan Galang sang Manong’s Empanada sa La Salle Avenue malapit sa taytay. Gani masako siya sa pagmasa sang dough para sa iya nga empanada kay napalibutan siya sang mga customer nga naga hulat nga may maluto na sa iya nga empanada.
May mga estudyante…
May tricycle driver….
Pati naka SUV naga hapit sa iya para mag bakal sang empanada.
May chicken, tuna kag cheese! Beinte pesos ang bilog.
Istorya ni Allan, 2010 pa siya naga pwesto diri pero sang nag igo ang pandemic, nawad-an siya sang palangabuhian.
Ginsulod niya ang trabaho sa construction para lang may income.
Naga messenger siya sadto sa isa ka kumpanya kag naka agi man ubra sa food court sa mall. Ang uilihi niya nga sweldo pagtapos sang kontrata niya gin gamit niya nga pang capital sa negosyo.
Wala man siya iniskwelahan sa pagluto pero malawig man kuno ang proseso antes niya nakuha ang nagustuhan niya nga sabor sang empanada
Kag ang kadamuon sang customer kag suki niya sa kada adlaw amo ang maka pamatuod nga manamit ang iya recipe.
Ang kada gina bak-it ng empanada rekta na sa puyo kay may naga hulat.
Maka paubos siya sang tubtob 120 ka empanada sa isa ka adlaw.
Pangabay niya lang nga kun tani sige sige na ang pag bangon para sige sige man ang pag negosyo niya ilabi na nga may anum siya ka mga kabataan nga gina pa eskwela!